【減肥】又想食好西又想減肥的懶戰友入嚟!!米施洛全新推出嘅Keep Fit便利餐盒啱晒你

成功完成減肥九個月及KeepFit六個月的課程後，離開米施洛已經有四年了。直到目前為止，在沒有任何運動及跟餐單（有一年幾乎係暴飲暴食）的狀況下，只是肥返五磅而已，可想而知，用正確的方法減的肥是比節食或減肥藥較不會反彈的。而正確的方法就是一星期2-3次40分鐘的帶氧運動（我自己就係跑步機及踩凳仔）及良好的飲食習慣，其實飲食真係佔好重要的部份，要識得要揀嘢食，點樣食先可以加大運動的效果，不然你維持咁差嘅飲食習慣，就算點做運動都好難瘦。

咁多年來，最多戰友或讀者問我的問題，除了做什麼運動容易啲落磅之外，就係點樣係返工∕出街食飯之下又可以乖乖地跟到餐單呢？（果然大家都是朋友多嘅的人啊）我一貫的答法都係：自己煮、自己帶飯！然後大家的反應都係：「下……我份工好忙架喎，點整得切」「下我係好遠返工喎，點早起啊？」「下我港孩喎都唔識煮飯」「下我屋企人唔會肯另外開爐俾我自己煮自己個份喎」等各式各樣的理由推卻了我的建議。其實有時候我都答到攰，因為我自己成功減到真係靠晨咁早起身煮飯，靠臉皮厚與朋友相聚在Food Court並食自己的飯盒，出街只敢吃瘦叉飯（走汁），捱了半年才能稍為放鬆下來。返實習更痛苦，為免吃到肥膩的學校飯餐，就要凌晨四點幾五點爬起身煮飯，為了讓自己多睡一會，煮的都是一鍋熟（多難食你知嗎）

要在街上量對餐單所招示的份量，除了帶碗仔出街，當眾量起所要吃的份外，別無他法。這樣做一來樣衰，二來要洗碗好麻煩，所以好多戰友都不會跟我咁做。米施洛多年來都會比我見得更多怕麻煩、想懶、不想煮的減肥戰友，所以米施洛有預煮包，類似太空食物咁，雖然方便，但真係好難食，我吃兩個月就不了。

有見及咁多懶鬼，米施洛終於研發到餐盒啦！！！！

上兩星期收到邀請，試食Keep Fit便利餐盒，由營養師設計並計好晒份量的飯餐，比例合宜，份量完全合符減肥要求，啱晒懶得整、懶得煮、懶得買，又唔想捱商業區的貴又肥膩的飯盒的戰友們！

餐盒總共有七款，如下：

餐盒內全為新鮮食材，份量合符大部份減肥戰友的餐單要求。下訂後，米施洛會按照你的要求備好餐盒，並經順豐冷凍食品速遞送到你的辦公室或家（一送達地點就要馬上放雪櫃）。而由於餐盒是全天然新鮮食材，所以保質期比較短，幾天就會過期，這要注意一下。

而為了知道雪到凍冰冰的肉再翻叮是什麼味道，我特意挑了豬、牛、雞、魚各一盒，試試四種肉的口感有無因為冷凍過而走樣。

因為我擺到快過期，所以我跟Bob仔分着吃哈哈。飯盒分成三格，有兩格是菜，一塊肉及飯或薯仔。打開飯盒，香氣撲鼻，但最讓我驚訝的是，放在雪櫃幾天，蔬菜仍是綠油油的！四款我都覺得超級好吃，顛覆了我對冷凍微波飯盒一定會好似波仔一樣又濃又難吃的想法呢！連食開肥膩嘢嘅Bob仔都覺得好味呢！

現逐個試食！

首先，魚。我選了S8 大蒜味噌燒三文魚紫菜飯。

這款我最推介，三文魚有油香，肉汁又多，滲晒落啲飯度，真係又香又夠味。最重要是，啖啖肉、無骨，成份飯都係魚油香，但都沒有需要多計一份脂肪，真抵食。

第二，豬。我選了 S6 泰式香茅豬柳椰汁飯。雖然這個飯要count兩份脂肪，但難得可以食到一般正常減肥人都必須要戒的椰汁飯，就想試試口感了。

先看看豬扒，瘦的，份量很足，能吃到那麼多塊肉真的好幸福（谷M時特別喜歡吃肉），底下的黃飯吸滿肉汁，超惹味！

椰汁味濃濃，完全不覺得有因為要減肥所以落少咗味道，真的好好吃！特別一讚，豬扒雖瘦，但經過微波後都沒有變乾，反而仍然充滿肉汁，又稔又好咬，讓人非常驚訝！而青豆及椰菜花都好好味，完全沒有變色，賣相相當靚仔！（詳見影片）

第三，雞。我特意選了S11 薑汁蟲草花蒸雞雜菇飯，因為蒸飯一般都好肥，我到現在都仍戒蒸飯中，所以想看看減肥版的會不會無晒汁，雞件會不會太乾之類。一打開，蔬菜的鮮綠真的好適合影相放上instagram，係Office打開嚟食一啲都唔樣衰，好潮好日系，勁有感覺！

面頭Pat汁唔算多，但用來撈飯係夠食的。雞件雖然瘦，但一定都不乾不硬，很夠味道！冷凍飯盒最值得欣賞就是肉，真係做得非常好，經過微波都沒有變減變硬。好勁！這款的味道不夠魚和豬的濃味，較淡口，鍾意食蒸飯既戰友可以揀呢個止癮喔。

第四，牛！有不少戰友告訴我他們真的好愛吃牛，所以我特意挑了這個西式的 S2 燒牛柳伴雜菜薯仔。配菜較特別，是醬油蘿蔔，味道很好（特別是我好喜歡吃蘿蔔）

看看肉質，是瘦的，但內裡仍有少少脂肪，相信微波完後，油脂就會成為肉汁了。嘩有咁多舊肉真係好開心。（如果你不喜歡食一舊舊薯仔，可以選S1 慢煮雞肉伴雜菜紫薯蓉，食到薯蓉之餘仲要係咁多款中卡路里最低）

因為曉晴不能吃牛，所以這個就成了Bob仔的午餐了。

他完美示範了如何在辦公室中好好享用完美午餐。不得不提，影起相真係好靚。

這個飯餐是最抵食，一來卡路里得三百幾，二來牛同薯仔都好頂肚，連Bob仔咁大食都頂到一個下午。根據Bob仔的試食，他說他原本以為牛肉叮完會好乾，誰知真的滿口肉汁，一點也不乾，也不會靭。而牛肉也調了味，好夠味，不會淡貿貿（他以為減肥餐都是無味的），薯仔也很軟綿，入口都好濃薯香，實在出乎意料的好吃。

總結四個餐盒，最出人意料又好食的一定是肉！不論是牛、豬、雞、魚都一律超好吃，讓人回味無窮，因為那味道不是自己煮得到出來（我指又要合符營養師要求又要咁好食的話）。另外就是蔬菜的保鮮，冷凍過來再放了幾天再入微波爐，無變色之餘仲做到蔬菜的鮮味，但又不會硬，連怕食莖部的Bob仔都把飯盒吃光光呢！（終於明點解賣咁貴）

點先買到米施洛的飯盒呢？
飯盒有兩SET：$300/4 Box    或     $390/6 Box(此價截至31/7而已)
【覺得貴？其實係中環金鐘食飯都咁上下，出街想食得健康其實都差不多$6x up，計埋直送到家，其實都差不多，咁當然無自己煮咁抵啦，問題係閣下想懶唔想煮吖嘛，係咪？】

即刻上米施洛的網頁（按我），挑好自己想要的飯餐，填好表格，計好日子訂貨，要注意送商業地址及住宅地址是不同的時段，所以要肯定有人在家收件才好揀，因為一收到件就要放返入雪櫃下層（4℃個格）了。付款方式請見圖。

有不少朋友都想去做下米施洛的Body Check，但又嫌貴。呢加首次訂飯盒就可以得到兩張免費做分析的Coupon啦！有意join plan的朋友切勿錯過啦，用完coupon做分析，再用曉晴的$200 Coupon join plan就fit晒啦！

以上~どもありがとうございます :)

謝謝您一直以來對曉晴的支持，更謝謝把長文看完！

彩蛋！！同場加映，女友視覺！在家吃飯盒，不但方便，仲好有Feel添！

現在大部分文章都集中在facebook fanspage直接分享，歡迎follow我的fanspage!!!

##本文章純粹個人意見，讀者宜當作參考##

請推推文及留個言支持一下曉晴吧!

------------------------------------------------------------------------------------------

歡迎產品試用、出席活動等請聯絡我：mydearest.queenie@gmail.com

分站：

Facebook: http://www.facebook.com/xiaoqingqueenie

Blogspot: http://xiaoqingqueenie.blogspot.hk/

Instagram: mrslee_queenie

Beauty Exchange: http://www.beautyexchange.com.hk/blog/曉晴

Youtube channel: http://www.youtube.com/queen11beauty

WeShare: http://www.weshare.hk/missqueenie

Openrice: http://www.openrice.com/zh/restaurant/userinfo.htm?userid=50073117