{飲食} Let's EAT IT!! 意大利甜品麵包至尊!!!

話說參加左Fashion Walk的Opening Tour，去行新商場區之前梗係去醫下肚先啦～於是就同一眾Blogger去到正宗意大利餐廳Eat it食個極豐富嘅午餐啦！！

呢度遠離銅鑼灣購物熱點，係Pacific Coffee旗艦店隔離，環境自然比較清幽～裝修好特別，有别於一般餐廳，佢打造到好似意大利街頭咁，可以坐係出面吸收維他命D，亦可以坐入面。 望入去就見到啲嘢食分晒類，一個個攤咁，真係好似係意大利街頭掃街咁！

一入去就有職員俾一張紅色既Magic Card你，據說是用嚟消費用，睇一睇instructions，哦～呢張卡係用嚟count你食咗幾多嘢，每攞一樣嘢食就要俾張卡個counter既大廚嘟，等到食飽走先去俾錢，咁就乾淨又衛生啦～

成間餐廳由食材，廚具，餐具到廚師全部都係由意大利空運到港，包保原汁原味既正宗意大利味道，食到既同意大利食到既都應該要無乜出入既～

呢度嘅嘢食都係order之後新鮮製作，有咖啡飲品(連水都係意大利運到) ，各式意大利甜品，沙律冷盤，Pizza麵包，Pasta同湯。 

曉晴好興奮拎住張magic card去買嘢食啦～由於呢度既所有嘢都係由意大利空運到港，所以啲餐牌都係用意大利文，而買嘢係要用英文架，對於大學英文得C+既我嚟講真係有少少難度，但都溝通到架，無問題既！即製既餐點係嘟卡之後就拎到一部震震機，部機一震就可以拎嘢食～(不過啲廚師係會唔記得call人，曉晴個沙律就咁俾人jam走左sosad 但廚師姐姐好好，即刻做一個俾我)

我地一眾人都好有默契咁樣樣都點啲嚟試下，曉晴見到啲朱古力蛋糕同cheese cake咁正，Keep fit計劃當然要pause下先啦！曉晴超級極強烈推介呢度既所有甜品！係所！有！甜！品！曉晴已試匀個日有供應既甜品～

首先朱古力蛋糕係大推，原因係無麵粉成份，似brownie，只係得蛋同朱古力，朱古力的純度非常高，亦好濃兼靚料，曉晴獨食一件已經心跳加速左幾個鐘頭，可見朱古力既質料係一等一的，因為即使係brownie，朱古力質素唔靚，食幾多都係唔會心跳加速架(咖啡因唔夠)，所以當曉晴食到一半發現個心開始跳得好快個陣就知道件朱古力蛋糕係靚嘢！大推！！！(朱古力都係意大利運來的) 

另一大推就係Cheese cake，當日係New york cheesecake同tiramisu，cheese係好香好濃，正宗做法一定係重芝士味而唔係香港口味既死甜，呢度既New York cheesecake絕對正宗，成舊cake都係cheese嚟，實淨既，入口即融，極級好食，帶有芝士點點咸香，成舊cheesecake非常香濃，令人一食難忘！

而食完New York cheesecake再食新鮮即製既tiramisu就有少少失望啦，但係水準係我食過最接近原味既版本，cheese夠滑夠香，意大利空運當然不會差，咖啡份量足，夾心海棉蛋糕浸有滿滿咖啡，非常香濃，可惜酒味弱，不夠過癮，而cream不甜，值得嘉許但太漏，吃了兩口就吃不下去，口感太棉，蛋糕可以再厚點以增加層次感，還有酒味再濃點呢～

這裏有自家製雪糕，但我不推介大家花錢吃，那天我吃了榛子和朱古力味，雪糕是夠滑了，但缺了奶味，而且兩種味道都有點假，特別是榛子味，很假，銅鑼灣有更好的選擇，不吃也罷。

曉晴本來就是來吃甜品的，加上曉晴不吃肉(特別是醃製和加工肉)，所以那天的火腿，芝士，甚至Pizza都沒有碰，其實pizza都應提供全素食版本才對啊，因為pizza看上去火候很夠。

意粉種類很多，那天提供了五款，而醬汁只有兩款，就是白和紅，曉晴都嘗了一點點，印象最深的是全蛋厚寬麵，咬下去麵粉甚香呢，但比較煙韌，不是人人都喜歡呢。 而另一款特别的意粉是一粒粒粉團，我以為我會喜歡，但原來是軟趴的東西，一粒粒麵團毫無咬口，吃了兩粒就讓給人了。其他意粉就能吃出是新鮮手製的，但是就沒什麽特别，也沒有正宗意大利的煙韌硬口感，都是入口即融的軟趴口感，對於五穀控的曉晴來說是有點失望。

而同桌有識食朋友點了一客奶油薯仔，薯仔軟腍，奶油香而不膩，即使知道極級肥，曉晴都不禁一口接一口吃，自己吃了半碟(笑)。

曉晴又跑到pizza處叫了一客是日麵包，那天是小法包，廚師很好，替我弄熱再切片，熱了的法包十分香，外脆內軟，入口後充滿麵粉香，即使什麽醬都不塗都依然好吃，是上乘之作，可惜沒有多吃幾片！

一頓飯不可以沒菜，曉晴是銀舌頭(金舌頭就不敢當了)，食材新不新鮮，下了什麼調味，曉晴一吃就知道，一家餐廳是否認真，吃一客沙律就知道。 席上大多都是肉類愛好者，所以曉晴自己去找菜吃。 這裏有兩款沙律，一就是一早調配好的，另一種是即製，廚師即場調配，有素食版，也可以隨客人口味增删調味料的份量，曉晴兩種都點。

前者則每款都拿一點，曉晴印象最深的是青豆蠶豆藜麥沙律，沙律醬是多了點令沙律有點膩，但藜麥非常有咬口，加上清新的蠶豆紅腰豆青瓜等新鮮食材，入口清爽之餘，亦因新鮮而非常清甜，非常好吃。

而即製沙律，曉晴選了全素沙律，內容只有各式沙律雜菜，青瓜，紅蘿蔔，廚師姐姐把材料放到盤內，加入鮮胡椒，檻欖油，黑醋，然後拌好上碟。 你會覺得百多元很不值，曉晴都覺得很貴，但一把菜放入口就能明白為什麽會賣這個價。 菜爽脆鮮甜，毫無苦澀味，肯定是新鮮貨，而且一定不是中國產，因為中國產的都一定帶有一點點青腥和泥味，這個是清香而帶甜味，但略嫌油下得太多，欖油味有點搶味了。

飲品方面，曉晴只嘗了檸檬梳打，也是意大利空運到港的，嗯，就是七喜的味道，甜了點。 因為不斷吃蛋糕，曉晴不斷飲有氣礦泉水，誇張的說，這裏連水也是意大利運來的，飲下去的確特別甜，被稱廁所水的有氣礦泉水，這裏的都不會有那種怪味，因為那些氣是天然的，不是人工打入去的，所以不會有怪味，用來清清甜品的甜膩絕對一流喔～

總的來說，食材新鮮，頂級質素，難食極有限，雖然味道難免稍稍遷就港人口味，但味道還是非常好，口感就差了點，而且定價太高，又缺英文餐牌，意大利文真不是人人都懂，雖然服務態度一流，但只能英文對答，真的有點壓力啊！食物只推介麵包和所有甜品，因為質素和水平絕對能超越五星酒店，非常值得花錢食，一杯咖啡加蛋糕，加上這樣安静舒適的意大利街頭風的環境，真的讓人身心舒暢，值回票價呢！

曉晴只是學生，回頭光顧的機會實在不高，如果價錢可以再親民點會更好！

就以上~

##本文章純粹個人意見，讀者只宜當作參考，服務及產品由EAT IT提供##

請推推文及留個言支持一下曉晴吧!

------------------------------------------------------------------------------------------

歡迎產品試用、出席活動等請聯絡我：

mydearest.queenie@gmail.com

分站：

Facebook: http://www.facebook.com/xiaoqingqueenie

TheZtyle: http://missqueenie.theztyle.com

Blogspot: http://xiaoqingqueenie.blogspot.hk/

instagram: dear_queenie

Beauty Exchange: http://www.beautyexchange.com.hk/blog/曉晴

Youtube channel: http://www.youtube.com/queen11beauty

Weshare: http://www.weshare.hk/missqueenie