{活動} iTrial秋之限定整妝待發百人工作坊(焦點錯誤記 :P )

10月 13, 2014

{活動} iTrial秋之限定整妝待發百人工作坊(焦點錯誤記 :P )

已經好耐好耐無去過iTrial既活動啦~
今次好幸運可以抽中去秋之限定整妝待發百人工作坊，教我地點樣幫妝容換季~
係八月既最後一日，又係開學既前一日，我黎到觀塘既百本中心~
我以為我會早到啦，原來有更多更多SIS比我早到
話說以前都有參加過百人工作坊，但多數會分開兩節，五十人一節
今次我係第一次感受到一百人一齊聚集係一個地方係乜野感覺！
就係
好逼！！！！！！！！

到達後第一時間當然係要找尋熟悉既面孔啦~
咁岩就俾我見到我最親愛既Gloria~~~~
最開心既當然係識新朋友啦 ;) (拿拿拿由呢到開始焦點錯誤啦哈哈)
同到食全齋既Linda認識左~仲有珍妮、圓圓、Hahaship Chau......
第一次出event係可以一口氣識到咁多新朋友，呢加諗返都覺得開心~

明明話三點開始，又係例遲
入去先發現原來個D曲奇餅係由一處transit去個甜品架，再由人手從甜品架transit去個膠袋到
點解要咁煩呢？結果後面就擠成長長人龍......
我因為Keep Fit就冇拎到佢既曲奇，同朋友仔一齊搵位坐啦~
個場都相當細，當日既三個品牌：TRESemme，JILL STUART 同 ORLANE
咁三個品牌都係擠係一邊，大家都擠係個到，想快D蓋滿印仔完成任務
我都唔例外，好在減左肥，個日尚算順利可以係活動開始之前完成蓋印仔行動~

第一個品牌係TRESemme
以往因為見到好似好專業既牌子，而且又唔係平，又唔係成日聽到呢個牌子
所以我無買過呢個牌子既洗頭水同護髮素~
今次第一次聽呢個既講解，話洗完之後就可以補充頭髮既角蛋白，可以減少毛躁48小時
好正咁喎！！！曉晴減完肥之後頭髮乾之餘，仲要日日夾直D頭髮，髮尾自然就旱啦
下定決心要試試呢個~

第二個品牌係ORLANE
呢度開始我就唔聽，因為話呢個牌子勁爆貴
而且又話緊膚抗皺，呃.....我好似未洗住lol
於是又將個心神放左係同朋友仔傾計啦~~

第三個品牌係JILL STUART
一直有聽個品牌，一直都覺得好靚，一直都好想買，但真係好貴
所以一直都冇試過上手~今次唇膏系列色真係靚到一個點！！！
顏色多到數唔晒，又多選擇，包裝又靚！！！不得了啊喂！！
係JILL STUART既化妝師似乎唔係咁習慣邊化妝邊講解
所以佢化緊妝既時候就全場靜了下來，悶到.........
所以我都冇乜印象講過D乜了......
淨係知好滑好靚之類哈哈哈