{活動}先搶頭啖湯!!!!WeShare x Design Mart 2014 Design Tour at PMQ
活動由香港設計中心第五年舉辦架啦~而今年就連續第三年同K11合作搞呢個活動~
重點係要提供一個開放既平台俾香港既自家創作同品牌展現同售賣自家產品，
最重要係推動香港既創意產業！所以咁多年黎都有唔少具水準既創作人參展架 :)
成個DESIGN MART集合左59個原創設計單位，由我自己最鍾意既飾物到皮具精品都有~
其實可以參加DESIGN MART個D已經係經過審視，係真係靚野兼原創先有得擺架~
絕對唔係ig shop個D手作仔，絕對值得去睇下~
不過，成59個設計人又有咩特別呢？於是，WeShare邀請左我地一眾Bloggers可以直接走入呢班設計人既基地－中環PMQ元創坊，率先睇睇佢地既新產品，等我地可以先睹為快，同時可以同設計師交流下設計心得~
琴晚一落堂就即刻狗衝出中環，搵搵地方先發現PMQ係真心的遠！
本人由細到大都冇離開過新界同條東鐵線，出到省真係唔識路啊大佬！
結果行到咁上下都係要跳上的士先得！最後安全到達目的地！
PMQ元創坊係一座活化建築，由已婚警察宿舍改建成為創意工業既重要陣地！
所有既手作人、自家品牌都可以佔據其中一個空間，邊創作邊售賣自己既產品~
入到去，真係感受到個種文化氣息！
(可惜啊可惜，地點真係唔就腳，而且宣傳得算低調，要帶起香港既創意產業都仲係有難度，
亦都睇到香港政府幾唔重視呢D香港自家文化，一尾講錢有Q用咩!!! 真係好彩香港仲有香港設計中心一直努力幫呢班創作人，唔係又會沒落架啦 :( )
Anyway, 一開始元創坊既負責人先黎同我地簡介下PMQ既歷史
再黎就由香港設計中心既同事簡介同帶我地去睇睇DESIGN MART既重點項目~
大家接過香港設計中心既小心意 (其實都唔小) 後就入到大樓度出發探下創作人啦~
入到大樓最吸引我既當然係大樓既設施仲係保留左以前既信箱同LIFT啦~
曉晴最愛香港史，呢度既歷史味道都keep得住，老實講，呢次既活化真係做得唔錯！
一入到去，蠟燭既香味撲鼻而來~然後就已經聽到其他Blogger大呼小叫
都係：「好靚啊~」「好得意啊~」
其實曉晴一入到去係俾其他得意設計吸引住哈哈~
Studio Mango原本係做創意家具設計，按住客人所希望得到既家具，在其上加以發揮~
及後就開始自己設計再作少量生產黎賣，堅持用最好最靚既材料製造，成本好高！
但D產品真係出面都睇唔到架~簿啊袋啊首飾啊都係自家設計少量生產，務求就係唔撞款~
而BeCandle就係將傳統蠟燭工藝同現代生活結合，
將普普通通既蠟燭做成工藝品，好有心思！
其中最賣得既就係點心蠟燭，特別除左係一籠籠咁上之外，
就係製造過程同真係做點心係一模一樣架！
都係要由搓皮、做餡、包點心等幾個工序做成架~
燒到咁上下，客人就可以睇到點心個餡架啦~超有心思，勁得意！
第二站，我地黎到Chailie Ho既自家時裝品牌店
Chailie係店入面等我地，仲好好咁介紹佢既產品同新作俾我地睇
佢主要係做衫同絲巾既~佢店舖裝修好細心保留住PMQ既舊地板，牆身做返以前既感覺
然後自己手做水晶燈去配合返成間舖既Feel，有呢份保育心，實在讓人感動~
而店舖較裡面既位置就係佢既Studio，客人可以睇到衫係點做出黎~
佢用水墨畫風格畫出香港，印係真絲上面，營造出浪漫既格調。
我一開頭覺得好怪，但Chailie親自示範點戴之後，原來真係幾match啵~
既有香港特色，又可以為客人添上時代感，唔錯~
但係呢D都唔係我呢D窮學生可以買得起架啦.....
但原來Chailie都有出名信片，已經係機場有得賣
都係好似絲巾既個種風格，特別之處就係每張都係唔同既香港特色景點
比起個D勁假既香港風景相，寄呢D仲有心思啦~~
另外Chailie都有搞Workshop，教人點樣設計同造晚禮服
整完仲可以拎返屋企添~ 名師教路包材料都係$660兩個人，
雖然都係好貴架啦，只係無想像中咁貴姐，同埋又確係靚既，都係留返俾D有錢子弟玩啦哈哈
呢D都係Chailie會放係DesignMart既新作，想睇既可以去K11睇睇啊~
第三站到了愛在大街小巷中找你同Absolute Vintage & Mils既合體店
兩位設計師黎同我地介紹自己既作品
第一個係「愛在大街小巷中找你」既本土設計師Jino Yeung
佢既設計全部都係用紙造，用最靚既紙做，然後走訪大街小巷，做好多地區訪問做設計
佢呢加主要係幫大角咀做設計，以擺設、玩具、家具等黎訴說香港
問過佢，話佢呢加開始著手做其他香港快將消失既地區，
唔知，幾時先可以輪到新界東北呢？
其實佢都話做呢D既成本好高，又花好多時間，所以都要人支持先可以堅持到
希望DesignMart可以幫到佢宣傳自己既產品啦~
另一邊就係Absolute Vintage & Mils
佢係香港原創既本地眼鏡品牌，由設計到製造都係系香港一次過搞掂
唔講都唔知原來香港做眼鏡係好勁，係全球第三架喂!!!點解從來冇人講架？
右：是Absolute Vintage & Mils的作品，挺襯我的，但好重身，戴一陣都要放低)
仲要將香港傳統既眼鏡工業承傳同發展落去，
而Mils就係隨之而生既飾品line，佢地會用眼鏡做主題，用眼鏡既物料同技巧做出唔少飾品
用黎送俾人都唔失禮架~~有興趣可以係下星期K11黎睇睇啵~
因為店內貼明不準拍照，我又不知能不能拍
而負責人同設計師又不在，我就沒有拍下來了~
「The Little Finger 是一個結合實驗性展示及活動平台的首飾品牌。
設計師希望透過通過聚合對當代首飾創作有共同理念的首飾創作者，
透過作品、展覽交流活動及不同的主題工作坊，讓人欣賞當代藝術。」
(本段文字直接引錄自香港設計中心所提供的資料稿件)
第五站是推動香港愛護自然的原創品牌Jungle In A Bottle瓶中森林。
整個店舖都放滿植物，而且非常繽紛，讓人有目不暇給既感覺~
創辦人及設計師Charlie向我地介紹佢既植物
Jungle In A Bottle瓶中森林係模擬地球既迷你生態系統，
透過植物屬性、泥土、氣候黎設計出一個可以「自給自足」既植物世界
顛覆左植物係要用心打理既定理~~
呢D植物砌係小瓶裡面，封實瓶子，植物唔使淋水唔使陽光都可以生存著
係植物殺手既好福音~而Charlie仲話，唔使打理都可以keep住咁靚，
同時間可以傳揚環保既訊息，真係好有意義！
佢仲好鼓勵我地同埋佢既客人，多D去行下山，睇下風景
自然都可以創作出美麗既盤景~
最後一站，亦都係頗讓我深刻既一站，就係位於一樓既Chocolate Rain店
其實曉晴係Chocolate Rain剛出道時已經很喜歡~
起初知道Chocolate Rain係PMQ元創坊開左分子料理店同Store已經好想黎
只係一直都唔就腳，今次終於可以有機會黎啦~~
設計師麥雅端之前有黎過中大Shaw做Sharing架，只係我唔岩時間去唔到！
今次可以食到有名既分子料理Tea Set，仲可以同到佢講野，好開心好興奮~
我仲去左佢既店睇佢既Product，UM.....真係少少貴啊，
所以我都係坐低等食~
個設計好屋企feel，好warm好舒服，由佢本人親自serve我地，
而台同椅子都係布同手縫架，好鍾意呢種感覺啊~好童話啊~~
個Tea Set都幾好，只係曉晴Keep Fit中，除左個雪巴我食左之外，其他都只係食左一啖
淨係影相都夠晒靚，好可愛啊~~~~~~~~
 |
| 這是燉蛋 |
 |
| 左上的是雪巴配果仁蛋糕；右的是Parma Ham配餅乾 |
好多都要麻煩小彤幫我KO左~
全程大家都好開心傾計，交換左唔少心得，曉晴都學到好多好多野啊~~
識到新朋友都係做Blogger最開心既事！！！！！！
今次個Trip真係好開心
下星期五(26/9)我會同我既好朋友一齊出到K11參加DesignMart架~
希望到時可以碰見到啦~如果你見到我，唔好怕羞，即管叫我啦！
DESIGN MART 2014 @K11
日期：2014年9月26至28日(星期五至日)
時間：上午11時至晚上10時
地點：K11購物藝術館 (香港九龍河內道18號)
就以上~
##本文章純粹個人意見，讀者只宜當作參考，服務及產品均由WeShare及香港設計中心提供##
請推推文及留個言支持一下曉晴吧!
------------------------------------------------------------------------------------------
歡迎產品試用、出席活動等請聯絡我：
mydearest.queenie@gmail.com
分站：
Facebook: http://www.facebook.com/xiaoqingqueenie
TheZtyle: http://missqueenie.theztyle.com
Blogspot: http://xiaoqingqueenie.blogspot.hk/
instagram: dear_queenie
Beauty Exchange: http://www.beautyexchange.com.hk/blog/曉晴
Youtube channel: http://www.youtube.com/queen11beauty
Weshare: http://www.weshare.hk/missqueenie
留言
發佈留言