{慘歷，極長文慎入} Cleen體驗失敗！以後都唔會幫襯！
事先講明，我上左去Cleen銅鑼灣金朝陽分店兩次都係做唔到體驗，有hard feeling先決心要出呢篇文，我係Cleen冇拎到任何野，連一杯水都冇飲過佢既！！
話說Cleen的宣傳極強大
這個體驗本來是Fashion & Beauty的PR姐姐邀請的
本來已經join左MUSEE既我一聽到Cleen係Dermes既副線就即刻應承左
Blogger體驗同街外人join體驗都係一樣都係三次
今次體驗係腋下UnderArm，都係要事前預約既~
打電話預約都好方便，姐姐講到明由諮詢到完成療程係一個鐘頭左右
從沒有脫毛經驗既我經歷過Musee屎一般既服務態度之後
上到Cleen真係非一般感受，係五星級服務！
特別要讚一讚櫃台姐姐 (對不起，我記不起你的名字)
我上到去表明我係Blogger時，佢不但無黑我面，仲笑住叫我去等候區坐坐
一去到等候區，真係嚇左一跳既~
三面光明，落地玻璃，飽覽銅鑼灣景觀，真係心曠神怡
坐係勁軟既皮梳化，真係好舒服~
坐低無耐就有個勁好笑容既姨姨黎問我要唔要飲D乜野
第一次上去就梗係淆淆地底，於是就話唔使~
無耐櫃台姐姐就拎住Window pad過黎搵我
真係好佩服佢有個咁靚既笑容，真係心都甜埋啊大佬~(我認我好麻甩)
Cleen應該係全面電子化左，我填表同簽agreement都係用Window pad
離離地題講句，其實Window pad再搭IE真係好慢
每次落一個step都係勁慢，然後用電子筆簽名又接觸得唔好，搞到我簽左幾次
咁樣真係反反地感，始終係load緊既時候，我同櫃台姐姐真係會dead左air唔知點算架嘛......
其實成個登記手續都好快做完，15分鐘左右已經搞掂了
下一步就係等治療師見我啦~
接待我既係Angel，都好好笑容
我地一入房傾就到戲肉了
我從來未去過facial，姐係要入房既都只係去過米施洛
經過今次既經歷我先醒覺自己原來係咁容易俾人說服到！！
俾Yetta話我蠢 > <"
說返正題
Cleen係用彩光的，我就諗，咁咪同MUSEE一樣？
Angel話Cleen既機係勁過出面所有機，即使係彩光，只要13次就可以斷尾，仲做埋嫩膚美白
我就諗，咁勁？13次就可以斷尾？咁真係要試下啦！
然後Angel講完個原理又話我Underarm個情況好嚴重啊，腋下皮膚完全唔似20歲啊
佢就叫我放棄個四百蚊就直接join佢首次登記既優惠plan啦
然後狂插Musee有幾差啊，質素唔好啊，佢D客又點樣片Musee咁樣
繼而就轟炸我叫我join plan啦，今次唔join就下次無啦，要一千蚊一次啊咁
我多次表明我係Blogger，唔係街客，我應該係去到第三次先再決定參唔參加都okay架嘛
點知佢又當聽唔到咁，依然狂sell我，又叫我即刻決定啦，又話可以信用卡分期啦
其實我真係唔識拒絕呢D，又好彩我個日真係乜都冇帶係身
當下想搵人求救，又唔知打俾邊個好
然後就俾佢轟炸到兩點半( 我個日係約左1點做諮詢的，乜都冇做過就已經兩半了)
佢就話不如約下次先再做，我話我住好遠
咁佢話咁不如呢加join，我話我冇錢
然後我又真係想走既，於是Angel同我簽左單話我Show but no trial，幫我keep住個首次體驗囉
我梗係有咁快走咁快啦！
落到樓我鬆左一口氣之餘，仲覺得好頭痛，一來佢把聲相當響，間房既空氣完全唔流通，成個幾鐘俾佢困住係房度，好難唔累囉其實！！
呢個經歷講左俾個朋友知，個朋友即刻鬧爆我啦，話我個陣就應該走，唔應該留係度
仲叫我唔好再上去第二次了
於是我就決定返屋企就會send email同PR講我唔做呢個試用
點知又唔記得左send
個日我愛的Yetta whatsapp我問我咩事啦
都係話其實明知我地係Blogger就唔應該有呢個情況發生
但因為Yetta係捱義氣接下呢個體驗，道義上都冇理由就咁就no show既
係我地商量過之後，就決定由Yetta陪我上去第二次
咩事都好都唔離開我，咁就包冇出事啦！
電話預約好後，F&B既PR打電話來跟進，我就直接將事情講一次
佢就話會幫我同Cleen反映下，又話唔好意思 <-- nbsp="" p="">我地係約左平日星期五既下午三點半，絕對不是peak period！
但，竟然發生了讓Yetta生氣的事情！
那天Yetta和我遲了五分鐘，但那個很好笑容的姐姐都好快幫我地處理
都是15分鐘的時間都能弄定所有Agreement
搞掂晒之後，未到四點，Angel就黎接我地兩個一齊入房啦~
我真係超佩服Yetta，果然經驗老道啊！
入到房就講明自己係Blogger，然後查好了資料
Angel講一句，佢就講埋後三句
全程我都冇出聲，只係聽
Angel講少左好多野，至少唔會好似上次咁開口埋口都講錢
然後Yetta快刀斬亂麻，唔俾佢講咁多，快快手就叫佢安排體驗
Yetta咁快手都搞左半個鐘！！我地四點半出房既~
然後安排體驗啦，咁大間公司唔會淨係得Angel一個治療師呱？
Angel話要一個做完先到一個，因為我趕時間，所以Yetta讓我做先，就話幫我影相
Angel話只可以一個人入房，佢幫手影相喎
我心諗，你又要幫我做療程，點幫我影相？
Yetta擔心我又會俾人轟炸，好想陪我入房，但係Angel唔俾
咁就算啦，Angel話每個療程都要半個鐘，叫Yetta等半個鐘再到佢做
我地諗，我做完五點，佢做完五點半都okay既~
於是我留係房，Yetta出等候區
五分鐘後，Angel面有難色話冇treatment房用，樂觀睇就最少要半個鐘後先有機會有房
我即刻下左出黎，於是我就話要同Yetta商量
Yetta諗完就即刻話唔做，亦唔約下次，唔會再做體驗
原因在於：我地就算係早左完左諮詢，我地都係book左個段時間，你應該係comfirm有房有人先俾我地上黎既，冇理由我預約左但就要我等你有房俾我做Treatment，如果我係正價做既話，你邊對得我住啊？？同埋我已經係預左兩個鐘上黎，仲要我等半個鐘以上既，我點算仲要幫襯你呢？？加上已經唔係peak period，如果撞正星期六同放工時間，咁咪仲等得耐？咁我預約黎做咩呢？？
我又上一課了！！好有道理！！而且我已經係上黎第二次，專程由上水去銅鑼灣的，真係蝕晒俾佢！！！
所以Yetta同我一致決定唔會再黎體驗，唔會再上黎試用，唔會幫襯Cleen
而且會出呢篇文，話俾佢地知，唔好再要人等啦！！！！
就以上~
##本文章純粹個人意見，讀者只宜當作參考，服務及產品均由Fashion & Beauty及Cleen提供##
請推推文及留個言支持一下曉晴吧!
------------------------------------------------------------------------------------------
歡迎產品試用、出席活動等請聯絡我：
mydearest.queenie@gmail.com
分站：
Facebook: http://www.facebook.com/miss.queeniechung
TheZtyle: http://missqueenie.theztyle.com
Blogspot: http://xiaoqingqueenie.blogspot.hk/
instagram: dear_queenie
Beauty Exchange: http://www.beautyexchange.com.hk/blog/曉晴
Youtube channel: http://www.youtube.com/queen11beauty
Weshare: http://www.weshare.hk/missqueenie
留言
發佈留言